Vajtswv Txojlus - lus Hmoob Dawb - txhais tshiab xyoo 2004

Teanga: Hmong Daw

Eolas Fé Leagan

Phau Vajtswv Txojlus no yog txhais tag rau xyoo 2004, yog txhais tshiab txij phau Chiv Keeb mus txog phau Qhia Tshwm txhua lo tag nrho huvsi, yog txhais raws nraim tej hauv paus lus. Vajtswv Txojlus uas Hmoob muaj lawm puavleej txhais raws li tus kov txwv “Dynamic Equivalence”. Tus kov txwv txhais li no yog txhais kom yoojyim nkag siab thiab muab lub ntsiab hloov thiaj ua kom tus uas nyeem nkag siab zoo. Phau Vajtswv Txojlus Txhais Tshiab Xyoo 2004 no yog txhais raws li tug kov txwv “Formal Equivalence”, yog txhais txhua lo lus uas nyob hauv hauvpaus lus raws li lus Henplais thiab lus Kili huvsi, yug thiaj paub cov Yixayee lub neej thiab Yixayee li kev hais lus, thiab paub lub ntsiab tob heev. Phau Vajtswv txojlus lus Thaib uas niaj hnub no sawvdaws siv kuj yog txhais li no. Xyoo 2000 Koom Hum Txhais Vajtswv Txojlus hauv Thaib teb (TBS) thiab Koom Hum Hmoob uas ntseeg hauv Thaib teb (SKT) hais hum tias tseed yuav tsum muaj Vajtswv Txojlus txhais dua tshiab li no. Muaj ib tus xibhwb Hmoob ua tus uas txhais, thiab muaj xibhwb huajlav thiab xibhwb ntawm United Bible Societies ua tus pab, thiab muaj dua ib co Hmoob uas saib thiab kho kom raws nraim hauv paus lus thiab tsis poob lub ntsiab ib qhov twg. Vajtswv Txojlus Phau Qub, mas txhais raws li Vajtswv Txojlus phau Avkiv NIV thiab NRSV. Phau tshiab mas siv lus Kili phau uas United Bible Societies luam rau xyoo 1993. Mas ua Vajtswv tsaug uas nws pab txhua tus kub siab ua thiaj tiav tag huvsi rau xyoo 2004. Peb vam tias txhua tus uas ntseeg yuav nyeem phau no thiab nkag siab txog Vajtswv txoj xov zoo thiab nkag siab txog tus Tswv Yexus txojkev cawm dim zoo dua qub.

Faisnéis Fé Chóipcheart

Text Copyright © 2004 Thailand Bible Society

Quotations of the White Hmong Holy Bible Standard Version, in any form, must obtain written permission from Thailand Bible Society if the quoted material is inclusive of at least 1,000 verses, or a copy of any book wholly or partially which amounts to 50 percent of the book quoted. For any long quotation, notice of copyright must appear as follows: Text Copyright © 2004 Thailand Bible Society. Used by permission.