Foirm chuardtha

يّتّ سْتْي 38

سّرّشّبَدٍ، يٍ سَسٍ شُنفبٍ، نُن تّتّ

1عَ نَشَ سّرّشّ فَن دَاشِ سّرّشّبَدٍ يَءِلَن كَسِيَ وُرِ رَ، نَشَن كُيَ نْنفْن سُولِ، عَ عِفبٌ نْنفْن سُولِ، عَ سّيتِ بِرِن لَن، عَ عِتٍ نْنفْن سَشَن. 2عَ نَشَ قٍرِ نَانِ يَءِلَن عَ تُشُي بِرِن مَ، نَشٍيٍ قِندِشِ سٍ كٍرٍن نَ سّرّشّبَدٍ رَ. عَ نَشَ وُرٍ فبٍيلِ مَسٌ نَ بِرِن مَ. 3عَ نَشَ سّرّشّبَدٍ يِرَبَسٍ بِرِن يَءِلَن وُرٍ فبٍيلِ رَ، عَلْ شُبٍ سَسٍيٍ، ثٍلِيٍ، ثْوتِيٍ، سُبٍ سْشْسٍيٍ، نُن تُندٍيٍ تّ سَمَ نَشٍيٍ كُي. 4عَ نَشَ سٍ ندٍ يَءِلَن وُرٍ فبٍيلِ رَ نَشَن سَمَ تّ شُن مَ، سُبٍ سَمَ نَشَن قَرِ. عَ نَشَ سُشُسٍ دِفِلِنشِيٍ وُرٍ فبٍيلِ دَاشِ سَ عَ تُشُي مَ، 5عَلَكٌ عَ شَ فبَكُ سّرّشّبَدٍ كُي عَ تَفِ. 6عَ نَشَ وُرِ كُيٍيٍ يَءِلَن كَسِيَ وُرِ رَ وُرٍ فبٍيلِ مَسٌشِ عٍ مَ. 7عَ نَشَ عٍ رَ سٌ سُشُسٍ دِفِلِنشِ نَانِيٍ كُي سّرّشّبَدٍ سّيتِ قِرِنيِيٍ مَ عَ شَنِنقٍ رَ.

8عَ نَشَ هْرْ مْلِنفِرَ يٍ سَسٍ شُنفبٍ نُن عَ دْشْسٍ يَءِلَن وُرٍ فبٍيلِ رَ، عَ نَشَن سْتْ فِنّيٍ رَ نَشٍيٍ نُ مَلَنمَ هْرْ مْلِنفِرَ سٌدٍ دّ رَ.

9عَ نَشَ تّتّ يَءِلَن سُوَ دُفِ رَ. تّتّ كُيَ نْنفْن كّمّ يِرٍقَنيِ مَبِرِ رَ. 10عَ نَشَ فّرّ دُفِ فبَكُ نَ وُرِ مْشْحّن مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. نَ دُفِ سُشُسٍيٍ نَشَ يَءِلَن فبٍتِ رَ. 11تّتّ كُيَ نْنفْن كّمّ كْولَ قَن مَبِرِ رَ. عَ نَشَ فّرّ دُفِ فبَكُ نَ وُرِ مْشْحّن مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. نَ دُفِ سُشُسٍيٍ شَ يَءِلَن فبٍتِ رَ. 12تّتّ عِفبٌ نْنفْن تٌنفٌ سُولِ سٌفٍفٌرٌدٍ مَبِرِ رَ. عَ نَشَ فّرّ دُفِ فبَكُ نَ وُرِ قُ مَ، نَشٍيٍ تِشِ سَنبُنيِ وُرٍ فبٍيلِ دَاشِيٍ مَ. 13تّتّ عِفبٌ نْنفْن تٌنفٌ سُولِ سٌفٍتٍدٍ قَن مَبِرِ رَ. 14عَ نَشَ فّرّ دُفِ فبَكُ سّيتِ مَ وُرِ سَشَن مَ، نَشٍيٍ تِشِ سَنبُنيِ مَ. نَ كُيّ نْنفْن قُ نُن سُولِ. 15عَ نَشَ فّرّ دُفِ فبّتّ فبَكُ بٌورٍ سّيتِ مَ وُرِ سَشَن مَ، نَشٍيٍ تِشِ سَنبُنيِ مَ. نَ قَن كُيّ نْنفْن قُ نُن سُولِ.

16تّتّ نَشَ يَءِلَن سُوَ دُفِ رَ. 17وُرِ نَشٍيٍ تِشِ تّتّ مَ، عٍ تِشِ عٍ سَنبُنيِ وُرٍ فبٍيلِ دَاشِيٍ مَ. دُفِ سُشُسٍيٍ قَن نَ عٍ مَ نَشٍيٍ يَءِلَنشِ فبٍتِ رَ. 18تّتّ سٌدٍ دّ نَشَ يَءِلَن سُوَ دُفِ رَ نَشَن مَسْشْشِ فّسّ فّرّ دَاشِ، بُلُ دَاشِ، نُن عَ فبٍيلِ رَ. نَ دُفِ كُيَ نْنفْن مْشْحّن، عَ عِتٍ نْنفْن سُولِ، عَلْ تّتّ دُفِ بِرِن شَ مَءِتٍ. 19عَ نَشَ نَ فبَكُ وُرِ نَانِ مَ، نَشٍيٍ تِشِ عٍ سَنبُنيِ وُرٍ فبٍيلِ دَاشِيٍ مَ. نَ دُفِ سُشُسٍيٍ نُن نَ وُرِ شُنيِيٍ يَءِلَنشِ فبٍتِ رَ. 20هْرْ مْلِنفِرَ نُن تّتّ لُوتِ شِرِ مَ سٍ نَشٍيٍ مَ، نٍيٍ بِرِن يَءِلَن وُرٍ فبٍيلِ نَن نَ.

21هْرْ مْلِنفِرَ، سٍيدٍ وَلَشّ نَ نَشَن كُي، عَ وَلِ دّنتّفّ نَن يِ كِ. لٍوِ بْنسْي نَ وَلِ رَبَ مُنسَ شَ يَامَرِ نَن بُن مَ. هَرُنَ شَ دِ، عِتَمَرِ نَن قِندِ نَ وَلِ يَرٍرَتِ رَ. 22بٍسَلٍلِ، عُرِ شَ دِ، شُرُ شَ مَمَدِ، يُدَ بْنسْي، نَشَ عَلَتَلَ شَ يَامَرِ بِرِن نَبَ، عَ نَشَن مَسٍن مُنسَ بّ. 23عٌهٌلِيَبُ، عَشِسَمَكِ شَ دِ، دَنَ بْنسْي، قِندِ بٍسَلٍلِ مَلِمَ نَن نَ. عَ نُ قَتَ سٍ مَسٌلِدٍ نُن سُوَ دُفِ مَسْشْدٍ فّسّ فّرّ دَاشِ، بُلُ دَاشِ، نُن عَ فبٍيلِ دَاشِ رَ.

24شّيمَ شَسَبِ نَشَن نَوَلِشِ هْرْ مْلِنفِرَ تِقٍ رَ، نَشَن سْتْ هَدِيَ رَ، عَ لَن كِلٌ كّمّ سٌلٌمَنَانِ كِلٌ تٌنفٌ سٌلٌمَنَانِ نَن مَ هْرْ مْلِنفِرَ مَنِيَسٍ سّرِيّ كِ مَ. 25فبٍتِ شَسَبِ نَشَن سْتْ مِشِ كْنتِشِيٍ رَ، نَ لَن نّ كِلٌ وُلُ سَشَن كِلٌ كّمّ سٌلٌمَسَشَن نُن تٌنفٌ سٌلٌقٍرٍ نُن سُولِ نَن مَ هْرْ مْلِنفِرَ مَنِيَسٍ سّرِيّ كِ مَ. 26مِشِ وُلُ كّمّ سٍننِ مِشِ وُلُ سَشَن كّمّ سُولِ تٌنفٌ سُولِ، نَشٍيٍ نُ بَرَ حّ مْشْحّن سْتْ نُن نَ شَنبِ، نَشٍيٍ كْنتِشِ عِسِرَيِلَكَيٍ تَفِ، كَنكَن نَشَ فبٍتِ فِرَ مُ سٍننِ قِ هْرْ مْلِنفِرَ مَنِيَسٍ سّرِيّ كِ مَ.

27عٍ نَشَ فبٍتِ كِلٌ وُلُ سَشَن كِلٌ كّمّ نَانِ رَشُنُ وُرِ سَنبُنيِ كّمّ يَءِلَنقٍ رَ هْرْ مْلِنفِرَ نُن تّتّ بّ. وُرِ سَنبُن كٍرٍن قِندِ فبٍتِ كِلٌ تٌنفٌ سَشَن نُن نَانِ نَن نَ. 28نَ كِلٌ مْشْحّن نَشَن لُ، نَ نَشَ يَءِلَن دُفِ نُن وُرِ سُشُسٍيٍ نُن وُرِ شُنيِيٍ رَ.

29وُرٍ فبٍيلِ شَسَبِ نَشَن سْتْ عِسِرَيِلَ شَ هَدِيَ رَ، عَ لَن كِلٌ وُلُ قِرِن كِلٌ كّمّ نَانِ نُن سٌلٌقٍرٍ. 30عٍ نَشَ عَ قِندِ هْرْ مْلِنفِرَ سٌدٍ دّ وُرِ سَنبُنيِيٍ رَ، نُن سّرّشّبَدٍ وُرٍ فبٍيلِ دَاشِ، نُن نَ شَ يِرَبَسٍ بِرِن، 31نُن تّتّ وُرِ سَنبُنيِيٍ، نُن عَ سٌدٍ دّ شَ وُرِ سَنبُنيِيٍ، نُن تّتّ مَشِرِ سٍيٍ رَ.

سٌسٌ كِتَابُييٍ؛ تَوُرٍتَ، يَبُرَ، عِنيِلَ

© 2015—Mission Evangélique Reformée Néerlandaise et les Traducteurs Pionniers de la Bible

More Info | Version Index