Foirm chuardtha

Kor 2nan int

Kunnafoni

Bataki filanan nin kɔnɔ, an b'a ye ko a tun gwanna dɔɔni Korɛntikaw ni Pɔli cɛ. A kɔnɔnakow b'a yira ko Korɛntikanw tun be Pɔli tɔgɔjugu fɔra. A be yira an na fana ko tuma min na Korɛntikaw sɔnna Pɔli ka fɔta ma, o y'a nisɔndiya kosɔbɛ.

Kanuya min be Pɔli la Korɛntikaw faan fɛ, o be yira bataki nin daminɛ yɔrɔ la. O la, hali n'a be Korɛntikaw nɛni, a yɛrɛ sago te o ye, ladili lo. O kɔ, a b'a ka nisɔndiya fɔ k'a yira u la bari a ka kuma be laban ni sɔɔn yɛlɛma ani bɛɛn ɲini sira lo ye.

O kɔ, Poli b'a ɲini u fɛ u ka jija Alasira kan. A b'a ɲini u fɛ fana u ka na ni dɛmɛ ye Krista ka jama ma min be Zude mara la.

Bataki nin laban yɔrɔ la, mɔgɔ minw b'a jati ko Poli te Krista ka ciden ye, a b'a yɛrɛ koo fɔ ka gwɛya olu ye ko hali n'ale ye barikatan ye, ko Ala ka nɛɛma b'ale labɔ.

Bataki nin tilancogo

Daminɛ kuma 1.1-11

Pɔli ka koo ni Krista ka jama min be Korɛnti 1.12—7.16

Zude mara mɔgɔw ka kan ni dɛmɛ min ye 8.1—9.15

Pɔli b'a yɛrɛ ka koo fɔ 10.1—13.10

Kuma laban 13.11-14

ALA KA KUMA

© 2008 Alliance Biblique du Burkina Faso

More Info | Version Index